ලංකාවේ බ්‍රිතාන්‍යය බලය පිහිටුවීම __👑🏰🚩

වෙළඳාම සහ ආගම ප්‍රචාරය කිරීමේ අරමුණින් යටත් විජිත පිහිටුවා ගැනීම සඳහා බ්‍රිතාන්‍ය‍යයන් පෙරදිගට පැමිණීම සහ ඉන්දියාවේ බලය තහවුරු කර ගැනීමෙන් සියවසකට පමණ පසුව ශ්‍රී ලංකාව කෙරෙහි අවධානය යොමු කර තිබේ. මේ කාලය වනවිට ලංකාවේ මුහුදුබඩ ප්‍රදේශ පාලනය කළේ ලන්දේසියෙන් විසින්ය. ලන්දේසියෙන් පරාජයට පත් කළ බ්‍රිතාන්‍යයන් 1796 දී බ්‍රිතාන්‍ය පෙරදිග ඉන්දියා වෙළෙඳ සමාගම යටතේ ලංකාවේ මුහුදුබඩ ප්‍රදේශවල බලය තහවුරු කරගන්නට විය. පසුව විවිධ අවස්ථාවල දී ශ්‍රී ලංකාවේ විවිධ ප්‍රදේශ ඔවුන් යටතට පත් කර ගනිමින්  1815න් පසුව සමස්ත ශ්‍රී ලංකාවේම බලය තහවුරු කර ගැනීමට බ්‍රිතාන්‍යයන් සමත් විය.

• බ්‍රිතාන්‍යයන් පෙරදිගට පැමිණීම...

                             15 සියවසේ පමණ යුරෝපය ඇති වූ දේශ ගවේෂණ ව්‍යාපාරය ප්‍රතිඵලයක් ලෙස බ්‍රිතාන්‍යයන් පෙරදිගට පැමිණෙන්නට විය.ඒ අනුව බ්‍රිතාන්‍යයේ ධනවත් ව්‍යාපාරිකයන් කිහිප දෙනෙකු එකතු වී ක්‍රිස්තු වර්ෂ 1600 දී පමණක් පළමු වන එලිසබෙත් රැජිනගේ කාලයේදී රාජකීය වර පත්‍රයක් මගින් පෙරදිග වෙළෙඳ කටයුතු කිරීමේ අයිතිය පෙරදිග ඉන්දියා වෙළඳ සමාගමට පවරා තිබේ . ප්‍රථමයෙන් ම බ්‍රිතාන්‍ය පෙරදිග ඉන්දියා වෙළද  සමාගම අග්නිදිග ආසියාතික රටවල් සමඟ වෙළෙඳ සම්බන්ධතා ගොඩනඟා ගත් අතර ජෙහන්ගීර් නැමැති මුස්ලිම් අධිරාජයාගේ කාලයේදී ඉන්දියාව සමඟ සබඳතා ඇතිකර ගැනීමට බ්‍රිතාන්‍ය‍ට හැකියාව ලැබී තිබේ.17 වන සියවසේ අග භාගය පමණ වන විට බොම්බාය,මධුරාසිය,කල්කටාව යන ස්ථානවල වෙළද මධ්‍යස්ථාන පිහිටුවා ගැනීමට බ්‍රිතාන්‍යයන් සමත් විය. මේ අවධිය වන විට ප්‍රංශ ජාතිකයන් සමඟ වෙළඳ තරඟයක නියැලී සිටි බ්‍රිතාන්‍යයන්ට ප්‍රංශ ජාතිකයන් පෙරදිගට පැමිණ ඉන්දියාවේ පොන්ඩිචෙරි,කරිකාල් සහ චන්ද්‍ර නගර් යන ප්‍රදේශවල වෙළද මධ්‍යස්ථාන පිහිටුවා ගැනීම අභියෝගයක් විය. මුලදී බ්‍රිතාන්‍යයන් සහ ලන්දේසෙහි සාමකාමීව කටයුතු කළ නමුත් ඇම්බායිනා දූපතේ ඇතිවූ කැරැල්ලක් නිසා ලන්දේසින් සහ බ්‍රිතාන්‍යයන් අතරද පැවැති සාමකාමීත්වය බිඳී යන්නට විය.මෙම කාලයේ ඉන්දියාවේ බලය තහවුරු කර ගැනීමට බ්‍රිතාන්‍යයන් සහ ප්‍රංශ ජාතිකයන් අතර දිගින් දිගටම ගැටුම් ඇති වන්නට වූ අතර ඉන්දියාවේ තම බලය පිහිටුවා ගැනීමේ කාර්ය සාර්ථක කරගැනීමට නම් ඉන්දියන් සාගරයේ නාවික ආධිපත්‍ය ලබා ගැනීමේ වැදගත්කම මුල සිටම බ්‍රිතාන්‍යයන්ට අවබෝධ විය.ඒ සඳහා ඉන්දියන් සාගරයේ මධ්‍යගතව පිහිටි ශ්‍රී ලංකාවේ පිහිටීම අතිශය වැදගත් බව බ්‍රිතාන්‍යයන් වි විසින් වටහා ගැනීමත් සමඟ ශ්‍රී ලංකාව කෙරෙහි ඔවුන් සිය අවධානය යොමු කරන ලදීී.

• ශ්‍රී ලංකාව කෙරෙහි ‍බ්‍රිතාන්‍යයන් අවධානය යොමු කිරීමට බලපෑ සාධක...

1. ශ්‍රී ලංකාව ඉන්දියාවට ආසන්නව පෙර අපරදිග මුහුදු මාර්ගයේ මධ්‍යගතව පිහිටා තිබීම
2. ත්‍රිකුණාමල ස්වභාවික වරායේ පිහිටීම
3. ලංකාවේ සිට බෙංගාල බොක්ක ආශ්‍රිත කලාපයේ නාවික හා වෙළඳ කටයුතු පහසුවෙන් පාලනය කළ හැකිවීම 
4. ලංකාව තුළ වටිනා වෙළඳ ද්‍රව්‍ය රැසක් තිබීම
5. ප්‍රංශ ජාතිකයන්ට ප්‍රථමයෙන් බ්‍රිතාන්‍යයන්ට ලංකාව යටත් කර ගැනීමට අවශ්‍ය වීම

• බ්‍රිතාන්‍යයන් මුහුදුබඩ ප්‍රදේශවල බලය තහවුරු කර ගැනීම...

බ්‍රිතාන්‍යයන් සහ ප්‍රංශය අතර පැවැති තරගය, බ්‍රිතාන්‍යයන් ලංකාවේ බලය ලබා ගැනීමට ඉතා ඉක්මනින් පෙළඹීමට හේතුවක් විය.ප්‍රංශ විප්ලවයෙන් පසුව ප්‍රංශය යුරෝපයේ රාජ්‍යයන් කිහිපයක් සමඟ යුද්ධයක පැටලුණු අතර ක්‍රිස්තු වර්ෂ 1794 දී ප්‍රංශය විසින් ඕලන්දය යටත් කරගත් අතර ඕලන්ද පාලකයා වූ දෙවැනි විලියම් කුමරු ආරක්ෂාව පතා එංගලන්තයට පැන ගියේය.එහි දී ඕලන්දයේ සහායට ඉදිරිපත් වූ එංගලන්තය ප්‍රංශයට විරුද්ධව යුද්ධය ප්‍රකාශ කරනු ලැබුවේය. මේ අවස්ථාව වන විට ලන්දේසින් සතු ලංකාවේ ප්‍රදේශ ප්‍රංශ ජාතිකයන් විසින් ලබා ගැනීමට බොහෝ ඉඩකඩ තිබූ බැවින් එය වළක්වා ලන්දේසින් සතු ලංකාවේ ප්‍රදේශ කෙසේ හෝ තමන් යටතට ලබා ගැනීමට ඉංග්‍රීසින් විසින් කටයුතු කරන්නට විය.එහිදී බ්‍රිතාන්‍යයේ රැඳී සිටි ඕලන්ද පාලකයා වූ දෙවන විලියම් කුමරු ලවා ලන්දේසීන්ට අයත් ප්‍රදේශ බ්‍රිතාන්‍යයට ලබා දෙන ලෙස ඉල්ලා ලංකාවේ ලන්දේසි ආණ්ඩුකාරවරයා වූ ෆන් එංගල් බෙක්ට ලිපියක් ලියවා ගන්නට ඉංග්‍රීසියෙන් උපක්‍රමශීලි විය. එංගලන්තයේ කිවු මාලිගාවේ සිට ලියූ බැවින් මෙම ලිපිය "කිවු ලිපිය" නමින් හැඳින්වේ. ඉංග්‍රීසීන් විසින් මේ ලිපිය ලංකාවේ ලන්දේසි ආණ්ඩුකාරවරයා වූ ෆන් එංගල් බෙක්ට ඉදිරිපත් කළද ඔහු එය පිළිගැනීමට අකමැති වූ බැවින් ඉංග්‍රීසීන් විසින් සිය යුධමය බලය යොදවා ප්‍රථමයෙන් ත්‍රිකුණාමලයද ,පසුව ලංකාවේ සියලුම මුහුදුබඩ ප්‍රදේශද සියයේ දී සියතට ගනිමින් 1796 දී ලංකාවේ මුහුදුබඩ ප්‍රදේශවල සිය බලය පැතිරවීමට සමත් විය. 

• වෙළද සමාගම යටතේ මුහුදුබඩ ප්‍රදේශවල පාලනය....

මෙය මධුරාසි පාලනය ලෙසද හඳුන්වත් ක්‍රිස්තුවර්ෂ 1796 සිට 1798 දක්වා කාලය තුළ ලංකාවේ මුහුදුබඩ ප්‍රදේශවල පාලනය ගෙන යනු ලැබුවේ බ්‍රිතාන්‍ය පෙරදිග ඉන්දියා වෙළඳ සමාගම විසිනි.මදුරාසි නිලධාරීන් විසින් මුහුදුබඩ ප්‍රදේශවල පාලනය ගෙනගිය බැවින් මෙය මදුරාසි පාලනය ලෙස හඳුන්වයි. මෙහිදී රෙසිඩන්ට්වරයෙකු මුහුදුබඩ ප්‍රදේශ පාලනය කළ අතර ඔහු යටතේ කර්මයක් පිහිටුවා ඒවායේ ආදායම් එකතු කිරීමට කළෙක්ටර්වරු නමින් හැඳින්වෙන පිරිසක් ද ඔවුන්ට සහාය වීමට අවමිල්දාර්වරු නමින් හැඳින්වෙන පිරිසක් ද පත් කරන ලදී.මෙම මදුරාසි පාලන තන්ත්‍රයේ ප්‍රධානම අරමුණ වූයේ ලංකාවේ මුහුදුබඩ ප්‍රදේශ යටත් කර ගැනීමට තමන් දැරූ වියදම් ඉමනින්ම පියවා ගැනීමයි.ඒ අනුව මෙහිදී බදු වර්ග රැසක් හඳුන්වා දුන් අතර ඒ අතරින් පොල් ගස් බද්ධ විශේෂ විය. මෙහිදී පොල්ගස් දහයට වැඩි සෑම ඉඩමකින්ම එක් ගසක් සඳහා රිදී පණම් එක බැගින් වාර්ෂික බද්දක් නියම කෙරිණි. මේ නිසා මුහුදුබඩ ප්‍රදේශවල දේශීය ජනතාව මහත් හිරිහැරයකට මුහුණ  දුන් අතර පොල් ගස් බද්ධට අමතරව ලුණු බද්ධ, මාළු බද්ද ,අරක්කු බද්ධ, රා බද්ධ වැනි තවත් බදු වර්ග රැසක් ක්‍රියාත්මක විය. මෙහිදී බදු අය කිරීමේ ක්‍රමවේදයද යම් වෙනසකට ලක් විය.

1. බදු අය කිරීමේ අයිතිය වෙන්දේසියේ විකිණීම
2. නව බදු සියල්ල මුදලින් පමණක් ගෙවිය යුතු වීම 

සිදුවිය.එසේම මේ අව්මිල්දාර්වරුන්ට අධිකරණ බලතල ද පවරා දී තිබු නිසා එය දේශීය ජනතාවට විශාල හිරිහැරයක් විය.ඔවුන් ප්‍රවේණි ක්‍රමය ද අවලංගු කරන ලදී.මේ සියලු තත්ත්වයන් නිසා මධුරාසි පාලන ක්‍රමය යටතේ මුහුදුබඩ ප්‍රදේශවලශවල ජනතාවට මහත් හිරිහැරවලට මුහුණ දීමට සිදුවූ බැවින් පීඩාවට පත්ව සිටි මුහුදුබඩ ප්‍රදේශවල ජනතාව මදුරාසි පාලනයට විරුද්ධව කැරලි ඇති කරන්නට වූ අතර මධුරාසි පාලනය විසින් අමතර සේනාංක ලංකාවට ගෙන්වා මේ කැරලි දරුණු ආකාරයට මර්ධනය කරන්නට විය.

මේ තත්ත්වය යටතේ 1797 ජුනි මස 9 වන දින ාවේ මුහුදුබඩ ප්‍රදේශවල ඇතිවූ මේ තත්ත්වය පිළිබඳ සොයා බැලීමට බ්‍රිතාන්‍ය ආණ්ඩුව විසින් ද මියුරන් නමින් හැඳින්වෙන කොමිසමක් ලංකාවට පත්කර එවන ලදී.

• මියුරන් කොමිසමේ යෝජනා...

1. බදු අය කිරීමට පත්කළ මදුරාසි නිලධාරීන් ඉවත් කළ යුතු බවත් එම කටයුතු සඳහා දේශීය නිලධාරින් නැවත පත්කළ යුතු බව 
2. පොල්ගස් බද්ධ වැනි බදු අහෝසි කළ යුතු බව 
3. ආදායම් කටයුතු සහ අධිකරණ කටයුතු කිරීම සඳහා නව නිලධාරීන් පත් කළ යුතු බව
4. ලංකාවේ පරිපාලන කටයුතු කිරීම සඳහා බ්‍රිතාන්‍ය කිරීටයද මැදිහත් විය යුතු බව

• ද්විත්ව පාලනය...

1796 සිට  බ්‍රිතාන්‍යය පෙරදිග ඉන්දියා වෙළෙඳ සමාගම මගින් ලංකාවේ මුහුදුබඩ ප්‍රදේශවල ගෙන ගිය පරිපාලන කටයුතු අවලංගු කොට 1798 අග සිට පෙරදිග ඉන්දියා වෙළඳ සමාගම සහ බ්‍රිතාන්‍ය කිරීටය එක්ව ශ්‍රී ලංකාවේ මුහුදුබඩ ප්‍රදේශවල පාලනය ගෙන යන්නට වූ අතර එය ද්විත්ව පාලනය යනුවෙන් හැඳින්වේ.1798 සිට 1802 දක්වා කාලය තුළ මේ ද්විත්ව පාලන ක්‍රමය ක්‍රියාත්මක විය. මේ පාලනය යටතේ මුහුදුබඩ ප්‍රදේශවල වෙළඳ සහ ආර්ථික කටයුතු පාලනය කිරීමේ බලය වෙළඳ සමාගමට හිමිවන අතර මුහුදුබඩ ප්‍රදේශවල පරිපාලන කටයුතු පවත්වාගෙන යෑමේ බලය කිරීටයට හිමි විය.1798 දී කිරීටය විසින් ආණ්ඩුකාරවරයෙකු පත්කර එවන ලද අතර එසේ ලංකාවට පැමිණි ප්‍රථම බ්‍රිතාන්‍ය ආණ්ඩුකාරවරයා වූයේ ෆේඩ්‍රික් නෝර්ත් නමැත්තාය.

• ද්විත්ව පාලනය අසාර්ථක වීමට බලපෑ හේතු ...

1. තීරණ ගැනීමේ දී ආණ්ඩුකාරවරයා හා වෙළඳ සමාගම අතර මතභේද ඇතිවීම
2. වෙළඳ සමාගමේ නිලධාරීන් ආණ්ඩුකාරවරයාට සහාය නොදීම 
3. කිරීටයේ නිලධාරීන් හා වෙළඳ සමාගමේ නිලධාරීන් අතර ගැටුම් ඇතිවීම
4. ආණ්ඩුකාරවරයාට ස්වාමිවරු දෙදෙනෙකුට වගකීම එම පාලන කටයුතුවලදී ගැටලුවක් බවට පත්වීම .

• මුහුදුබඩ ප්‍රදේශ බ්‍රිතාන්‍ය කිරීටය යටතට පත්වීම ...

1802 දී දිවිත්ව පාලනය බිඳවැටීමෙන් පසු මුහුදුබඩ ප්‍රදේශ සියල්ල බ්‍රිතාන්‍ය කිරීටයට යටත් විය

• ෆෙඩ්‍රික් නෝර්ත් ආණ්ඩුකාරවරයාගේ පාලන සමය..

1. ලංකාවේ ප්‍රථම ආණ්ඩුකාරවරයා මොහුය
2. ශ්‍රේෂ්ඨාධිකරණයේ පිහිටුවීම මොහු විසින් සිදු කරන ලදී
3. සිවිල් නඩු හා සම්බන්ධව අභියාචනාදීකරණය ද පිහිටුවීය
4. රාජකාරී ක්‍රමය අවලංගු කරන ලදී 
5. ආරෝග්‍යශාලා පිහිටුවීම හා වසූරිය සඳහා එන්නත් ලබාදීම ආරම්භ කිරීම

• තෝමස් මෙට්ලන්ඩ් ආණ්ඩුකාරවරයාගේ පාලන සමය...

1. නෝර්ත් ආණ්ඩුකාරවරයා අවලංගු කළ රාජකාරි ක්‍රමය යන ස්ථාපිත කිරීම
2. දේශීය නිලධාරීන්ගේ බලය අඩු කිරීම
3. ජූරි සභා ක්‍රමය හඳුන්වාදීම
4. උඩරට ගෙන තොරතුරු සොයා බැලීමට ජෝන් ඩොයිලි පත් කිරීම 

• උඩරට රාජධානිය බ්‍රිතාන්‍යයන් සතුවීම සහ බ්‍රිතාන්‍යයන් උඩරට රාජධානිය කෙරෙහි අවධානය යොමු කිරීමට බලපෑ හේතු...

1. උඩරට ස්වාධීන රාජ්‍යයක්ව පැවතීමඑ රිතාන්‍ය ආධිපත්‍ය පැතිරවීමට බාධාවක් වීම
2. මුහුදුබඩ ප්‍රදේශවල වැසියන්ද උඩරට රජු තමන්ගේ රජු ලෙස සැලකීම
3. මුහුදුබඩ ප්‍රදේශවල බ්‍රිතාන්‍යයන්ට විරුද්ධව පහතරට ප්‍රදේශවල ජනතාව සිදු කළ කැරලි වලට උඩරට රජු උපකාර කිරීම
4. වෙනත් යුරෝපීයන්ගෙන් හා උඩරට රජුගෙන් මුහුදුබඩ ප්‍රදේශ ආරක්ෂා කර ගැනීමට ආරක්ෂක වළලු දෙකක් යෙදීමට සිදුවීම
5. කොළඹ හා ත්‍රිකුණාමලය අතර ගොඩබිම් මාර්ගයක් නොමැති නිසා බ්‍රිතාන්‍යයන්ට දුෂ්කරතාවයන්ට මුහුණ දීමට සිදුවීම 
6. කොළඹ හා ත්‍රිකුණාමලය අතර කෙටිගොඩ බිම් මාර්ගයක් ඉදිකිරීමට උඩරට ස්වාධීන රාජ්‍ය බාධාවක් වීම
7. උඩරට රජු ප්‍රංශ ජාතිකයන්ගෙන් සහාය ලබා ගනිවී යැයි බ්‍රිතාන්‍යයන් තුළ වූ සැකය

• උඩරට රාජ්‍ය යටත් කර ගැනීමට බ්‍රිතාන්‍යයන් දරන ලද ප්‍රයත්න...

1. 1762-ජෝන් ස්පයිබස්ගේ දූතගමන
2. 1782-හියු බොයිඩ්ගේ දූතගමන

මෙම අවස්ථා අසාර්ථක වූ නිසා 1800 දී  මැක්ඩොවල් යටතේ උඩරට රාජ්‍ය සමඟ සම්බන්ධතා ගොඩනඟා ගැනීමට දූත පිරිසක් යවා තමන්ට වාසිදායකගේ විසුමක් ඇති කර ගැනීමට උත්සාහ කළ ද එයා අසාර්ථක විය.1803 දී ෆෙඩ්‍රික් නෝර්ත් ආණ්ඩුකාරවරයා  උඩරට රාජ්‍යයට ආක්‍රමණයක් එල්ල කිරීමට  කටයුතු කළ අතර එයට හේතුව වූයේ උඩරට වෙළඳාමේ ගිය මුස්ලිම් වෙළෙඳ පිරිසකගේ වෙළඳ භාණ්ඩ උඩරට දී පැහැරගෙන ඔවුන්ට හිරිහැර පැමිණවීමයි. මේ අනුව ෆෙඩ්‍රික් නෝර්ත් ආණ්ඩුකාරවරයා උඩරට ආක්‍රමණය කිරීමට මැක්ඩොවල් සෙන්පතියා යටතේ  හමුදාවක් උඩරටට යැවූ අතර මේ වනවිට උඩරට පාලකයා වූ ශ්‍රී වික්‍රම රාජසිංහ රජු උපක්‍රමශීලීව මෙම ආක්‍රමණය ජයගෙන තිබේ.

• 1803   ආක්‍රමණය අසාර්ථක වීමට බලපෑ සාධක...

1. උඩරට රජුට ජනතා සහාය හිමිවීම
2. වර්ෂා කාලය එළැඹීම නිසා ඉංග්‍රීසි හමුදාවන්ට දුෂ්කරතාවන්ට මුහුණ දීමට සිදුව
3. ඉංග්‍රීසි සේනාවන් අතර ලෙඩ රෝග පැතිර යාම
4. ඉංග්‍රීසි හමුදාවන්ට කොළඹ සමඟ සම්බන්ධතා පැවැත්වීමත දුෂ්කර වීම
5. උඩරට ජනතාව අනුගමනය කළ ගරිල්ලා සටන් ක්‍රම

• 1815 උඩරට ආක්‍රමණය...

මෙතෙක් උඩරටට එල්ල වූ ආක්‍රමණවලින් නොසැලමින් උඩරට රාජයේ ස්වාධීනත්වය ආරක්ෂා කර ගැනීමට උඩරට පාලකයන් සමත් වුවත් ක්‍රිස්තු වර්ෂ 1815 බ්‍රිතාන්‍ය ආණ්ඩුකාර රොබට් බ්‍රවුන්රින්ග් උඩරට එල්ල කරන ලද ආක්‍රමණයෙන් උඩරට ආරක්ෂා කර ගැනීමට පාලකයන් සමත් වූයේ නැත.උඩරට රාජ්‍යය බිඳ වැටීමට අභ්‍යන්තර හේතු මෙන්ම බාහිර හේතු සාධක ද කිහිපයක්ම බලපෑවේය.  

• අභ්‍යන්තර හේතු...

1. ශ්‍රී වික්‍රම රාජසිංහ රජු සමයේ අවසාන භාගයේ රජු හා රධලවරුන් අතර මතභේදය උත්සන්න වීම
2. භික්‍ෂූන් වහන්සේලා රජුගේ ක්‍රියා කලාපය ගැන කළකිරීමට පත්වීම
3. ශ්‍රී වික්‍රම රාජසිංහ රජු විසින් ඇහැළේපොළ පවුලේ සාමාජිකයන් අමානුෂික අයුරින් ඝාතනය කිරීම
4. පිළිමතලාවේ ,ඇහැළේපොළ වැනි රදල ප්‍රධානීන් රජුව නෙරපීමට බ්‍රිතාන්‍යයන්ගේ සහාය ලබා ගැනීම
5. රජු ගැන පැවැති කලකිරීම නිසා ජනතාව හා භික්ෂූන් වහන්සේලා රජුට සහායට නොපැමිණීම

• බාහිර හේතු

1. තෝමස් මෙට්ලන්ඩ් ආණ්ඩුකාරවරයා ජෝන් ඩොයිලි යොදවා උඩරට ආරක්ෂිත තත්ත්වය ගැන තොරතුරු රැස්කර ගැනීම
2. රජු හා රදළවරු අතර භේදබින්නතාව වර්ධනය කිරීමට ජෝන් ඩොයිලි ක්‍රියා කිරීම
3. පහතරට වෙළඳුන් පිරිසකට උඩරට දී හිරිහැර කිරීම

• 1815 උඩරට ගිවිසුම...

1815 මාර්තූ මස 02වන දින කන්ද උඩරට මඟුල් මඩුවේදී මෙම ගිවිසුම අත්සන් කොට තිබේ.බ්‍රිතාන්‍ය  රජු  වෙනුවෙන් රොබට්  බ්‍රවුන්‍රින්ග්  ආණ්ඩුකාරවරයා  මෙම  ගිවිසුමට අත්සන් කළ අතර ලාංකිකයන්වෙ නුවෙන් ඇහැළේපොළ, මොනරවිල, මොල්ලිගොඩ, මිල්ලෑව, රත්වත්තේ වැනි රධලයන්  අත්සන් තබන ලදී.මෙය  වගන්ති  12 කින්  සමන්විත විය.

නමුත් එම වගන්ති වල සඳහන් වූ ආකාරයට උඩරට යටත් කර ගැනීමෙන් පපසුව බ්‍රිතාන්‍යයන් ක්‍රියා නොකිරීම ජනතාවගේ කළකිරීමට හේතු වූවා සේම එතැන් සිට ලංකාව සම්පූර්ණයෙන්ම බ්‍රිතාන්‍ය පාලනයට යටත් විය.